Kinderverse:
Spiel und Spass: Rätsel
In diesem Kapitel finden sich eine Reihe verschiedener Kinderverse, die sich vom Rätsel über Abzählreime zu Fingerversen erstrecken.
Äs rätschot und tätschot, je mee dass rätschot und tätschot, um so mee Zoggla das zämuschreckot. (Glocken)
Äs hanget an der Wandund het ds Hindra verbrannt. (Pfanne)
An giblätzotti, giblätzotti Dechi ooni an Stich (Dach)
As wiiss Kchappälli und daari as gälbs Heerli. (Ei)
An raani, raani Geiss mit drii Beinu. (Dreifuss)
An magre, magre Geissoorig, het drii Beu und geit kchei Schritt. (Dreisfuss9
Ds Glinggi-Glanggi hanget daa. Ds Wirri-Wärri hocket daa und hetti gääru
wenn ds Glinggi-Glanggi ambriche cheemmi. (Wurst und Katze)
An raane, raane Vatter an hooli Müeter und as feistz Chind. (Butterfass)
As Mannji mit a hüffo Öügu. (Fleischsuppe)
Zwei Lotzundi, zwei Stotzundi; vieri geent, vieri hangent und eis bässmot hinnerna naa. (Kuh)
Hescht lieber ds Bijisch Dräck oder ds Chüechji in der Sunna? (Honig und Kuhfladen)
An holzige Hafo und an fleischige Deckil. (WC-Holzbrett mit ausgeschnittenem Loch)
I welum Gschirr geent am meischtu Nägil dri? (Weihwassergeschirr)
Loch an Loch und äs het doch. (Kette)
Bäärgüff, bäärgap, äs geit immer uf dum Chopf. (Schuhnagel)
Äs geit va hie bis Sittu und het der Chopf in der Littu. (Schuhnagel)
Wie länger dass löüffot, um so churzer chung der Schwanz. (Nadel und Faden)
Ri-ra Ripfil gälu ischt der Zipfil, schwaarz ischt ds Loch, waa der Ri-ra Ripfil dri hockt. (Karotte)
I gaa in du Waald und fassu as Stickilti Holz; mag is üssagizie, laa nis daa, mag is nit üssa gizie, nimis mit. (Holzsplitter, Dorn)
Was ischt gmachts und wird jede Tag wider gmacht. (Bett)
Äs hanget an der Wand, ooni Fado, ooni Band. (Sonnenstrahl)
Äs hanget an der Wand und git an jedum d Hand. (Handtuch)
Jede will sus wäärdu, aber niemu will sus sii. (alt)
Vora an Spitz, hinnerna dick und an Stäcko im Aarsch (Hagebutte)
Alpumannji, Rüessubaart mit der längu Pfiiffu, het sibu Lecher in schiim Chopf und cha nit alli griiffu. (Kopf)
Äs hanget an der Wand, macht tiggtagg und wes an brig kchiit, ischt d Üür kapputt. Was ischt das?